Өдөр бүр бид цаг агаарын мэдээг хардаг. Хүмүүс бороо орох эсэх, салхи ширүүсэх эсэхийг мэдэж, өдөр тутмынхаа төлөвлөгөөг түүндээ тааруулан өөрчилдөг. Харин таны эрүүл мэндийн ирээдүйг яг ийм маягаар урьдчилан хэлж өгдөг технологи бий болсон гэвэл та итгэх үү?

Ирээдүйг урьдчилан таамаглагч AI

Сүүлийн жилүүдэд хиймэл оюун ухаан (AI) зөвхөн чатбот, зураг үүсгэгч хэрэгсэл биш болж, эрүүл мэндийн шинжлэх ухаанд хүчтэй нэвтэрч эхэллээ. Үүний нэг жишээ нь Delphi-2M нэртэй AI загвар юм.

Энэхүү загвар нь Их Британийн томоохон судалгааны төсөл болох UK Biobank-ийн 400,000 гаруй хүний эмнэлгийн түүх, амьдралын хэв маягийн мэдээллийг ашиглан сургасан. Үүнд:

• Эмнэлэгт хэвтсэн түүх
• Өмнөх оношилгоо, эмчилгээний бүртгэл
• Тамхи татдаг эсэх, архины хэрэглээ зэрэг олон хүчин зүйлс багтсан.

Ингээд Delphi-2M нь хүний ирээдүйд 1,231 төрлийн өвчин тусах магадлалыг тооцоолдог чадвартай болжээ.

Жишээлбэл:

• “70% магадлалтай бороо орно” гэж цаг агаарын мэдээнд хэлдэг шиг,
• AI нь “Ирэх 10 жилд танд чихрийн шижингийн эрсдэл 25% байна” гэж хэлж чадна.

Энэ нь тодорхой өдөр заахгүй ч эрсдэлийн түвшнийг тооцож, урьдчилан сэргийлэх боломж олгодог.

Ач холбогдол

Хувь хүнд

Эрсдэлээ мэдсэнээр хүн амьдралын хэв маягаа өөрчилж чадна. Тамхиа хаях, хөдөлгөөнөө нэмэгдүүлэх, эрүүл хооллолт хийх зэргээр ирээдүйн өндөр зардал, өвчнөөс сэргийлэх боломжтой.

Эмнэлэгт

Тухайн бүс нутагт ирэх арван жилд ямар өвчлөл давамгайлахыг тооцоолж, ор, эмч, тоног төхөөрөмж зэрэг нөөцөө урьдчилан бэлтгэж болно. Жишээлбэл, “Норвич хотод 2030 он гэхэд зүрхний шигдээсний тохиолдол өснө” гэсэн таамаглал эмнэлгүүдэд төлөвлөлт хийхэд асар их тус болно.

Судлаачдын байр суурь

Профессор Юэн Бирни:

“Энэ бол цаг агаарын мэдээг эрүүл мэндийн салбарт нутагшуулахтай адил. Бид эрсдэлийн түвшинг тодорхойлж чадвал эмнэлгийн тусламжийг илүү зөв төлөвлөж чадна.”

Германы Хорт Хавдрын Судалгааны Төвийн Профессор Мориц Герстунг:

“Ийм генератив загварууд нь зөвхөн хувь хүн бүрд тохирсон эмчилгээ хийх боломж олгоод зогсохгүй, улс орны эрүүл мэндийн бодлого, нөөцийн төлөвлөлтөд ч хувь нэмэр оруулна.”

Хэзээ нэвтрэх вэ?

Delphi-2M нь одоогоор клиник хэрэглээнд бэлэн болоогүй байна. Учир нь энэ нь:

• Сайжруулалт, нэмэлт туршилт шаардлагатай.
• Өгөгдөл нь голчлон 40-70 насны хүмүүсээс бүрдсэн тул нийт хүн амыг бүрэн төлөөлөхгүй байх магадлалтай.

Гэсэн хэдий ч, энэ нь эрүүл мэндийн салбарт хувьсгал хийх томоохон алхам бөгөөд урьдчилан сэргийлэх анагаах ухааны ирээдүйг тодорхойлж буй юм. Эрдэмтэд уг технологийг эмнэлгийн тогтмол хэрэглээнд нэвтрүүлэхэд арваад жил шаардагдаж магадгүй гэж таамаглаж байна.

Эх сурвалж: bbc.com

Төгсгөлд нь

Цаг агаарын мэдээг бид өдөр бүр хардаг ч, гэнэт ширүүн бороо асгарвал шүхэргүй бол хэцүүддэг. Эрүүл мэнд ч бас үүнтэй адил — ирээдүйд ямар эрсдэл тулгарахыг мэдэх боломжтой болсон ч, бэлтгэлгүй байвал бүх ачааг өөрөө үүрэх хэрэг гарна.

Амьдралын зөв хэв маяг эрсдэлийг бууруулах хамгийн сайн арга. Гэвч бүхнийг бүрэн хянах боломжгүй учир урьдчилан сэргийлэхийн зэрэгцээ, эрсдэл тохиолдсон үед хамгаалах санхүүгийн баталгаа зайлшгүй хэрэгтэй.

Энэ баталгааг хувийн эрүүл мэндийн даатгал танд өгнө. Өвчин, осол тохиолдсон үед та зөвхөн эмчилгээ, эдгэрэлтдээ анхаарч, санхүүгийн дарамтаас өөрийгөө болон гэр бүлээ хамгаалах боломжтой.

Хэрэв та хувийн эрүүл мэндийн даатгалын талаар дэлгэрэнгүй мэдээлэл авахыг хүсвэл 📞 7011-3366 дугаараар бидэнтэй холбогдоорой.

Нэйшнл Лайф – Сэтгэл тайван амьдралыг мэдрүүлнэ